Þingmenn Miðflokksins eru tíðir gestir í ræðustól Alþingis nú í kvöld. Í umræðum um bókun 35 eru þingmenn Miðflokksins þeir einu á mælendaskrá. 

Hafa Sigríður Á. Andersen, Þorgrímur Sigmundsson, Karl Gauti Hjaltason, Bergþór Ólason, Ingibjörg Davíðsdóttir og Nanna Margrét Davíðsdóttir öll tekið til máls ítrekað í dag. Þegar þetta er skrifað er Sigmundur Davíð á leið í sína 11. ræðu, Ingibjörg á leið í sína 17. og Sigríður í sína 16. Þá hefur Snorri Másson haldið ellefu ræður og er á leið í sína tólftu.

Nanna Margrét og Þorgrímur eru á leið í sína 14. en Karl Gauti í sína 16. ræðu.

Þinglok ekki í nánd

Lokadagur þingsins átti samkvæmt áætlun að vera í dag en þingfundur stendur enn yfir, fundurinn hófst klukkan ellefu í morgun.

Frétt af mbl.is

„Til hvers erum við þá með þing?“

Hildur Sverrisdóttir þingflokksformaður Sjálfstæðisflokksins sagði í samtali við mbl.is fyrr í dag þinglok ekki vera í nánd. Hún sagði þung mál vera allt of skammt á veg komin og benti til að mynda þar á bókun 35.