Brynhildur Karlsdóttir og Matthías Tryggvi Haraldsson hafa sett einstaklega fjölskylduvæna íbúð sína við Álfatún í Kópavogi á sölu. Um er að ræða 135 fm íbúð sem er á jarðhæð í húsi sem reist var 1984. 

Brynhildur er sviðslistakona, tónlistarkona, dagskrárgerðarmaður, danshöfundur og skáld og hann er dramatúrg í Þjóðleikhúsinu. Hann varð heimsfrægur á Íslandi þegar hann fór í Eurovision með lagið Harið mun sigra með hljómsveitinni Hatara. 

Heimili fjölskyldunnar er fallega innréttað. Í stofunni eru hansa-hillur, píanó og sófaborð úr tekki. Í eldhúsinu er hvít sprautulökkuð innrétting og léttar hillur á veggnum. Engir íþyngjandi efri skápar. 

Sjá nánar á fasteignavef mbl.is: Álfatún 12

Hansahillur skapa stemningu í stofunni. Ljósmynd/Kristján Orri Jóhannsson

Blár sófi prýðir stofuna og fer vel við mottuna. Ljósmynd/Kristján Orri Jóhannsson

Úr stofunni er opið beint út í garð. Ljósmynd/Kristján Orri Jóhannsson

Stórir gluggar hleypa mikilli birtu inn í stofuna. Ljósmynd/Kristján Orri Jóhannsson