Það var líf og fjör í íslenska sendiráðinu í Kaupmannahöfn í gær þegar hönnun var fagnað í tilefni af 3daysofdesign, sem er árleg hönnunarhátíð sem haldin er í Kaupmannahöfn. Á sýningunni sýna íslensk hönnunarfyrirtæki vörur sínar. 

FÓLK Reykjavík sýnir nýja útgáfu af klassískum íslenskum húsgögnum og nýjum vörum eftir íslenska hönnuði úr náttúrulegum og endurunnum efnum. BAÐ, samstarfsverkefni íslenskra hönnuða fyrir Epal sem sérhæfa sig í að þróa vörur sem dregur innblástur frá ósnertri náttúru og tengjast einstakri baðmenningu Íslands. Fischersund, listasamsteypa og fjölskyldurekið ilmhús, sem talar til allra skilningarvita í gegnum ilm, tónlist og myndlist. Flothetta er hönnunarverkefni sem gengur út á heilun í vatni.

Eins og sést á myndunum var íslenskri hönnun fagnað af öllu hjarta!