Bill Clinton, fyrrverandi Bandaríkjaforseti, áritaði rúmlega 1500 bækur í bókaverslun í Dublin í dag. Clinton var í versluninni í þrjá tíma, talsvert lengur en áætlað var, en þá ákváðu öryggisverðir að nóg væri komið og urðu nokkur hundruð manns, sem enn biðu í röð utan við verslunina eftir að fá að hitta Clinton, frá að hverfa.

Clinton reyndi að afgreiða eins marga og hann mögulega gat og heilsaði fólki stundum með hægri hendi á meðan hann áritaði bækur með þeirri vinstri.

Martin Black, framkvæmdastóri Eason bókaverslunarinnar, sagði að þetta hefði verið mest spennandi bókaáritun í sögu Írlands.

„Hann er tákn fyrir okkar tíma. Enginn annar stjórnmálamaður kemst nálægt honum," sagði Vicky Jolly, sem ók í gærkvöldi frá Cork, um 5 tíma ökuferð, og beið í röð utan við bókaverslunina í 13 stundir. Hún spurði Clinton hvernig Seamus, hundinum hans liði. „Ágætlega," sagði Clinton og virtist hissa.

Tengdar fréttir

Clintonhjónin í heimsókn

Eins og skemmtilegt kvöldkaffiboð

• Gáfu Halldóri góð ráð í varnarviðræðum
• Errósýning, spjall, áritanir og pylsa á Bæjarins bestu
• Mörg hundruð manna biðu Clintons utan við bókaverslun í Dublin
• Clinton segist hafa átt frábæran dag á Íslandi

» Fleiri tengdar fréttir

• Blogga um frétt