Háttsettur al-Qaedaliði handtekinn í Pakistan

Innanríkisráðuneyti Pakistans birti þessa mynd af Abu Faraj Farj al-Libbi ...
Innanríkisráðuneyti Pakistans birti þessa mynd af Abu Faraj Farj al-Libbi í dag. AP
Upplýsingaráðherra Pakistans skýrði frá því í dag að Abu Faraj Farj al-Libbi, sem talinn er vera þriðji valdamesti maður al-Qaeda hryðjuverksamtakanna og náinn samstarfsmaður Osama bin Ladens, hafi verið handtekinn í Pakistan.

Al-Libbi, sem er Líbýumaður, var handtekinn ásamt fimm öðrum al-Qaedaliðum um helgina í Waziristanhéraði í norðurhluta Pakistans eftir harðan bardaga, að sögn Pakistanstjórnar.

Bæði Pakistanstjórn og Bandaríkjastjórn höfðu lagt fé til höfuðs al-Libbis. Pervez Musharraf, forseti Pakistans, hefur sagt að al-Libbi hafi skipulagt tvær tilraunir, sem gerðar voru til að ráða Musharraf af dögum á síðasta ári.

Abu Faraj Farj al-Libbi.
Abu Faraj Farj al-Libbi. AP
mbl.is
Súper sól
Súper sól...
Til sölu byggingarkrani
Byggingarkrani Liebherr 112 EC-H árg. 1992, með skoðun og í notkun. Áhugasamir h...
Gagnvirkir UHD skjáir ( 4k )
Upplýsingar gefur Ólafur hjá Varmás ehf. sími 566 8144...
Gæjalegur retro leðursófi frá Casa til sölu
Til sölu hvítur, ítalskur 3ja sæta hönnunarsófi. Keyptur í versluninni Casa og k...