Gerhard Schröder, kanslari Þýskalands, hvetur aðildarríki Evrópusambandsins (ESB) til þess að halda áfram staðfestingarferli stjórnarskrár þess, þrátt fyrir að Frakkar og Hollendingar hafi hafnað henni í þjóðaratkvæðagreiðslum. Þetta kom fram í máli Schröders í Lúxemborg í dag en þá hitti hann Jean-Claude Juncker, forsætisráðherra Lúxemborgar að máli. Lúxemborg er um þessar mundir í forsvari fyrir ESB.

Schröder sagði að öll aðildarríki ESB, sem eru 25 talsins, yrðu að taka afstöðu til málsins. „Að gera of mikið úr hlutunum á þessu stigi málsins er rangt,“ sagði kanslarinn einnig.

Göran Persson, forsætisráðherra Svíþjóðar, sagði fyrr í dag að það væri bæði „hættulegt“ og „heimskulegt“ fyrir önnur aðildarríki Evrópusambandsins (ESB) að líta framhjá þeirri staðreynd að hollenskir og franskir kjósendur hefðu hafnað fyrirhugaðri stjórnarskrá sambandsins.

Tengdar fréttir

Frakkar fella stjórnarskrá ESB

Spænska stjórnin vill halda staðfestingarferli stjórnarskrár ESB áfram

• Meirihluti Dana nú andvígur stjórnarskrá ESB
• „Hættulegt“ og „heimskulegt“ að leiða úrslitin í Frakklandi og Hollandi hjá sér
• Höfnun Hollendinga og Frakka á stjórnarskrá ESB vekur „áleitnar spurningar“
• Hollensk stjórnvöld segjast ætla að virða niðurstöðuna

» Fleiri tengdar fréttir

• Blogga um frétt