Ekkert alnæmi í Norður-Kóreu, þökk sé leiðtoganum, segja stjórnvöld

Kim Jong Il, leiðtogi N-Kóreu, t.v., skoðar akur þar sem …
Kim Jong Il, leiðtogi N-Kóreu, t.v., skoðar akur þar sem herinn ræktar hrísgrjón. AP

Ekkert tilfelli alnæmis hefur greinst í Norður-Kóreu, og er það að þakka vísdómi og leiðsögn leiðtoga ríkisins, Kim Jong-il, að því er n-kóresk stjórnvöld greindu frá í dag, í tilefni af alþjóðlega alnæmisdeginum. Þetta kemur fram í málgagni stjórnvalda, Minju Joson. Komið hafi verið á fót öflugu eftirlits- og upplýsingakerfi um land allt til að dreifa upplýsingum um sjúkdóminn og hafa eftirlit.

Þetta hafi verið gert samkvæmt tilsögn leiðtogans, í því skyni að „leyfa ekki eitt einasta alnæmistilfelli“.

mbl.is