Auglýsing vegna hvarfs Madeleine McCann vekur reiði

Úr nýjustu teiknimyndinni Shrek 3.
Úr nýjustu teiknimyndinni Shrek 3. AP

Auglýsing þar sem fólk er beðið um að láta vita ef það hefur einhverjar upplýsingar um hvarf Madeleine McCann hefur vakið reiði meðal almennings í Bretlandi. Auglýsingin er sýnd á undan kvikmyndinni Shrek hinn þriðji.

Bloggarar á vefnum Mumsnet hafa harðlega gagnrýnt auglýsinguna þar sem foreldrar segja að þeir hafi gert allt sem í þeirra valdi stendur til að halda börnum sínum frá umræðu um hvarf Madeleine.

Samkvæmt frétt á vef Sky hafa um fjögurhundruð bloggarar látið í ljós reiði sína á Mumsnet. Jafnframt hafa foreldrar haft samband við kvikmyndahúsaeigendur og eftirlitsaðila auglýsinga.

Breska dagblaðið Times greinir frá því að Odeon kvikmyndahúsin hafi ákveðið að hætta að sýna auglýsinguna á undan Sherk en hún verði áfram sýnd á undan öðrum kvikmyndum.

Talsmaður leitarinnar að Madelein McCann hefur beðið afsökunar á því fári sem auglýsingin hefur valdið meðal foreldra.

Madeleine, sem er fjögurra ára gömul bresk stúlka, hvarf úr hótelíbúð í strandbænum Praia da Luz í Algarve-héraði í Portúgal en foreldrar hennar höfðu skilið hana og yngri systkini hennar eftir í íbúðinni er þau fengu sér kvöldmat þann 3. maí sl. Síðan þá hefur ekkert til hennar spurst.

mbl.is

Bloggað um fréttina

Fleira áhugavert
Fleira áhugavert