Al-Qaeda leiðbeinir um sprengjugerð

Leiðbeiningar um hvernig eigi að framleiða sprengjur og búa til kveikibúnað úr farsímum hafa að undanförnu verið birtar á mörgum vefsíðum, sem eru hliðhollar hryðjuverksamtökunum al-Qaeda. Að sögn Sky fréttastofunnar þykja leiðbeiningarnar minna mjög á bílsprengur, sem fundust í Lundúnum nýlega.

Í einu skjalinu er fjallað um gerð svonefndrar plastvetnissprengju. Sagt er að þetta sé aðeins leikfang og efniviðinn í slíkar sprengjur er hægt að fá á efnifræðistofum í flestum framhaldsskólum en gefin eru góð ráð um hvernig hægt sé að auka sprengjukraftinn.

Þá segir, að sprengjur af þessu tagi valdi ekki miklu tjóni en sálræn áhrif þeirra séu þeim mun meiri springi þær í vestrænum borgum.

• Blogga um frétt