Veðjað á að Al Gore fái friðarverðlaun Nóbels

Þeir sem taka þátt í veðmálum um hver hljóti friðarverðlaun Nóbels telja líklegast að Al Gore, fyrrum varaforseti Bandaríkjanna, hreppi þau. Tilkynnt verður á föstudag í Ósló hver fær verðlaunin og hjá veðbankanum NordicBet eru líkurnar taldar 1 á móti 4 að Gore fái verðlaunin.

Önnur sem talin eru koma til greina eru Irena Sendler, pólsk kona sem bjargaði gyðingabörnum á tímum síðari heimsstyrjaldarinnar og Rajendra Pachauri, formaður loftslagsráðs Sameinuðu þjóðanna.

Þá er Martti Ahtisaari, fyrrum forseti Finnlands, einnig nefndur. Yfir 180 samtök og einstaklingar voru tilnefnd til verðlaunanna.

• 1 blogg um fréttina

Bloggað um fréttina

• Sigurgeir Orri Sigurgeirsson: Loddarar finna lyktina