Laura Bush vill að herforingjastjórnin í Búrma víki
Setja bókamerki
Forsetafrú Bandaríkjanna, Laura Bush, hefur kallað eftir því að herforingjastjórnin í Búrma víki til hliðar og hætti herferð sinni gagnvart íbúum landsins. Þá kallar hún eftir því að teknir verði upp lýðræðislegir hættir í landinu. Þetta kemur fram í bandaríska dagblaðinu Wall Street Journal í dag.
„Than Shwe herforingi og fulltrúar hans eru ríkisstjórn án vina,“ sagði Bush. „Þeir ættu að víkja til hliðar fyrir sameinuðu Búrma sem er undir stjórn lögmætra leiðtoga,“ sagði Bush.
„Aðrir í hernum ættu ekki að óttast þessa breytingu - það er pláss fyrir atvinnuher og lýðræðislegt Búrma,“ sagði forsetafrúin.
Þá kallaði Bush eftir því að herforingjastjórnin í Búrma sleppi leiðtoga stjórnarandstöðunnar, Suu Kyi, auk annarra stjórnarandstöðuleiðtoga svo þeir geti fundað um breytingu í átt til lýðræðis í landinu.
„Heimurinn fylgist með á meðan - og bíður,“ sagði forsetafrúin.
„Skýr skilaboð til Seðlabankans“
Árshátíð ríkislögreglustjóra haldin í Tékklandi
Skemmtiferðaskip hætt komið nærri Viðey
Vélsleðaslys: Þyrlan kölluð út á mesta forgangi
Handteknir eftir myndatöku í Vesturbæjarlaug
Banna mengandi búnað sem leyfður er á Íslandi
Shakespeare fannst í skókassa