Ibrahim Gambari fundar með Aung San Suu Kyi
Setja bókamerki
Sendimaður Sameinuðu þjóðanna, Ibrahim Gambari, er á fundi með Aung San Suu Kyi, leiðtoga stjórnarandstöðunnar á Búrma en hingað til hefur heimsókn hans til Búrma ekki borið neinn merkjanlegan árangur. Gambari kom til Búrma á laugardag og er búist við að hann yfirgefi landið síðar í dag.
Vitni segjast hafa séð Gambari koma að húsinu þar sem Suu Kyi er í stofufangelsi fyrir skömmu en hann hefur tvisvar áður hitt hana þar á fundum.
Gambari kom í dag til stærstu borgar Búrma, Yangon, eftir að hafa átt fundi með stjórnvöldum í höfuðborg landsins Naypyitaw.
Suu Kyi er þekkt um heim allan fyrir baráttu sína fyrir mannréttindum í Búrma, en hún hefur eytt 11 af undanförnum 17 árum í stofufangelsi. Stjórnmálaflokkur Aung San Suu Kyi vann sigur í þingkosningum árið 1990 en úrslit kosninganna voru hunsuð af her landsins sem tók völd í landinu tveimur árum fyrr. Árið 1991 fékk Aung San Suu Kyi Friðarverðlaun Nóbels. Hún hefur verið í stofufangelsi samfleytt frá árinu 2003.
Íslendingar ein mest einmana þjóð heims
Tapa fimm milljónum á dag
Fara ekki lengur fram á einangrun yfir Davíð
Fiskikóngurinn: „Mér fannst sárt að heyra það“
„Þetta náttúrulega endar með ósköpum“
Áköf mótmæli í bandarískum háskólum
Myndir: Reynir við heimsmet í Hlíðarfjalli í dag
Moses Hightower og Prins Póló gefa út eyjalag