Nasrallah ávarpaði sjíta

Hassan Nasrallah, leiðtogi Hisbollah hreyfingarinnar segir að samtökin hafi undir höndum líkamshluta og limlest lík ísraelskra hermanna frá því í stríðinu í Líbanon árið 2006.

Í ávarpi sem Nasrallah flutti í dag, því fyrsta í rúmlega ár, sagði hann að samtökin hefðu höfuð, hendur, fætur og næstum óskaddað lík ísraelskra hermanna sem látist hefðu í 34 daga stríðinu sumarið 2006.

Hisbollah hreyfingin hefur áður skipt við Ísraela á líkamsleifum ísraelskra hermanna og föngum.

Nasrallah ávarpaði hátíðarhöld í suðurhluta Beirút í dag en mesta trúarhátíð sjíta er í dag. Leiðtoganum var fagnað með herópum, ,,dauða yfir Ameríku, dauða yfir Ísrael". al-Manar sjónvarpsstöðin í Líbanon, sem rekin er af Hisbollah, segir að milljón manna hafi mætt til hátíðahaldanna.

• 3 blogg um fréttina

Bloggað um fréttina

• Sigurður Árnason: Allahu Akhbar
• Ólafur Als: Friðardúfurnar skildar eftir heima
• Ásgrímur Hartmannsson: Þeir þurfa að...