420.000 hús hrundu í eftirskjálftum í Kína

Meira en 420.000 hús hrundu í tveim eftirskjálftum í Qingchuan sýslu í Kína í dag, að sögn kínversku fréttastofunnar Xinhua.  Bandaríska jarðvísindastofnunin segir að einn af eftirskjálftunum hefði mælst 5.7 á Richter.  Xinhua fréttastofan hefur þetta eftir björgunarsveitum á svæðinu en ekki hefur komið fram hvort um mannfall hafi verið að ræða.

Jarðskjálftinn mikli sem reið yfir í Sichuan héraði í Kína þann 12. maí hefur valdið miklu tjóni, meira en 67.000 manns létu lífið og 5 milljónir manna misstu heimili sín.

• Blogga um frétt