Skutu palestínskan fanga

Ísraelsku mannréttindasamtökin  B'Tselem hafa birt myndband, sem virðist sýna ísraelskan hermann skjóta palestínskan fanga í fótinn. Mannréttindasamtökin segja, að notuð hafi verið gúmmíhúðuð stálkúla og hermaðurinn hafi hleypt af í viðurvist háttsettra herforingja. Palestínumaðurinn var með bundið fyrir augun.

B'Tselem segir að þetta hafi gerst fyrir hálfum mánuði  á Vesturbakkanum eftir mótmælaaðgerðir gegn aðskilnaðarmúr Ísraelsmanna. Á myndskeiðinu dettur myndin út þegar skothvellurinn heyrist en síðan sést fanginn liggja á jörðunni.

Talsmaður B'Tselem segir að maðurinn hafi áður en þetta gerðist sætt barsmíðum. Hann er sagður við þokkalega heilsu nú. Ísraelsher er að rannsaka málið.

• 5 blogg um fréttina

Bloggað um fréttina

• Axel Jóhann Hallgrímsson: Þetta er smámál, hvaða læti eru þetta?
• Óskar Þorkelsson: sem betur fer eru ekki allir eins og villi í …
• Snorri Bergz: Hræsnin
• Vilhjálmur Örn Vilhjálmsson: Forkastanlegt
• Halldór Egill Guðnason: Að skjóta, eða skjóta á.