39 manns bjargað úr hótelinu

Indverskir sérsveitarmenn björguðu fyrir stundu 39 gíslum sem haldið var föngnum á Oberoi/Trident-hótelinu í Mumbai. Hluti gíslanna eru útlendingar.

Alls hafa 125 fallið í árásum ódæðismanna úr röðum íslamista í borginni og berast böndin að öfgasamtökum í Pakistan.

Sérsveitarmennirnir fóru herbergi úr herbergi við leitina að gíslunum og þykir of snemmt að skera úr um hvort tekist hafi að hafa hendur í hári allra hryðjuverkamannanna sem þar voru.

Á sama tíma telur lögreglan að aðeins einn særður vígamaður gangi enn laus á Taj Mahal-hótelinu í borginni, sögufrægu hóteli sem gegnir mikilvægu hlutverki í sjálfstæðisbaráttu Indverja.

Mikið öngþveiti skapaðist í Mumbai. AP

• 1 blogg um fréttina

Bloggað um fréttina

• Bryndís Helgadóttir: Upplifun mín af hryðjuverkunum í Mumbai