Olmert hafnaði vopnahléi

Ehud Olmert, forsætisráðherra Ísraels, hafnaði því í viðræðum við Nicolas Sarkozy, Frakklandsforseta, í kvöld, að bjóða vopnahlé í hernaðaraðgerðunum gegn Hamassamtökunum á Gasasvæðinu.

Hörð átök voru í kvöld milli ísraelskra hermanna og Hamasliða í Gasaborg og segja arabískar sjónvarpsstöðvar að 3 ísraelskir hermenn að minnsta kosti hafi fallið og tugir særst.

Franskir embættismenn höfðu eftir Olmert, að markmið aðgerðanna væri ekki aðeins að Hamassamtökin hættu að skjóta flugskeytum frá Gasasvæðinu á Ísrael heldur að tryggja að Hamas geti ekki skotið slíkum flaugum.

„Við getum ekki fallist á málamiðlun sem gerir Hamas kleift að skjóta á ný eftir tvo mánuði á ísraelska bæi," höfðu embættismennirnir eftir Olmert.   

• 4 blogg um fréttina

Bloggað um fréttina

• Sigurður Árnason: Pro Ísrael Halelúja
• Hólmfríður Bjarnadóttir: Ekki talað við Sarkozy
• Björgvin Gunnarsson: Ísraelar nota ný og ólögleg vopn á Gaza!
• Ortrud Gessler: Ísraels frettaátak til að réttlæta striðsglæpir sínar