AIG í raun vogunarsjóður
Setja bókamerki
Seðlabankastjóri Bandaríkjanna, Ben S. Bernanke, segir tryggingarisann AIG hafa hagað sér á „ótrúlega óábyrgan hátt“ og ekkert hefði gert hann eins reiðan undanfarna mánuði eins og sú óábyrga stjórnun sem einkennt hefði AIG. „Þetta var vogunarsjóður, í rauninni,“ sagði Bernanke fyrir þingnefnd í dag. Hann sagði að illa hefði verið farið með tryggingarfélag, sem hefði að grunni til tryggan og stöðugan rekstrargrundvöll, sem skipti miklu máli.
AIG hefur um árabil verið eitt stærsta tryggingafélag heims. Það hefur starfað um allan heim. Bandaríska ríkið hefur að stórum hluta þjóðnýtt fyrirtækið, en skuldbindingar þess hafa reynst enn meira íþyngjandi fyrir skattgreiðendur en talið var í fyrstu. „Við gátum ekkert annað gert en að reyna að grípa inn í reksturinn vegna þeirra afleiðinga sem algjört hrun fyrirtækisins hefði haft,“ sagði Bernanke frammi fyrir þingnefnd sem fjallar um fjármál bandaríska ríkisins.
Í umfjöllun The New York Times kemur fram að enn sé óljóst hversu mikið högg það verður fyrir bandaríska ríkið, og þar með skattgreiðendur, að stýra AIG.
Hafa samþykkt kaup fyrir um 9,2 milljarða
„Menn eru bara búnir að forgangsraða“
Stóraukið fé til samgöngusáttmála
Starfsfólk gæti fengið reikning frá Skattinum
Segir óábyrgt að skipta út öllu bankaráðinu
„Það er skiljanlegt að þolinmæði þeirra sé lítil“