1,1 billjón dala í aðgerðir

Leiðtogar svonefndra G20 ríkja ákváðu á fundi sínum í Lundúnum í dag, að leggja fram rúmlega 1,1 billjón dala til að bregðast við áhrifum fjármálakreppunnar. Fær Alþjóðagjaldeyrissjóðurinn 750 milljarða dala til ráðstöfunar og 250 milljörðum dala verður varið til að örva heimsverslun.

Að auki verður 100 milljörðum dala veitt til alþjóðlegra þróunarbanka til að lána áfram til fátækra ríkja. Þá verður fjárveiting til Alþjóðagjaldeyrissjóðsins, sem ætluð er til að lána fátækustu ríkjunum, aukin um 6 milljarða dala. 

Leiðtogarnir samþykktu, að bregðast opinberlega við því ef ríki grípa til aðgerða, sem taldar eru brjóta gegn alþjóðlegum reglum um fríverslun. Einnig heita leiðtogarnir því að grípa til refsiaðgerða gegn löndum, sem skilgreind hafa verið sem skattaskjól og vilja ekki undirgangast reglur OECD, sem ætlað er að koma í veg fyrir peningaþvætti og skattsvik.  

Gordon Brown, forsætisráðherra Bretlands, sagði þegar hann sleit fundinum, að leiðtogarnir hefðu náð niðurstöðu, sem muni leiða til þess að alþjóðlega fjármálakreppan verði styttri en ella.

Brown sagði m.a. að bankaleynd muni heyra sögunni til. Þá verði aukið eftirlit með vogunarsjóðum og alþjóðlegum matsfyrirtækjum og gripið til aðgerða gegn skattaskjólum. Einnig verða launagreiðslum til stjórnenda fjármálafyrirtækja settar skorður.

Nicolas Sarkozy, forseti Frakklands, sem hótaði útgöngu Frakka af fundinum ef ekki yrðu samþykktar raunhæfar aðgerðir, sagðist á blaðamannafundi í Lundúnum nú síðdegis vera afar ánægður með niðurstöðuna og hún væri í raun betri en hann hefði vænst. 

mbl.is
flottur furu hornskápur ódýr
er með flottan furu hornskáp á 25,000.kr sími 869-2798...
NÁNAST ÓNOTAÐUR KÆLISKÁPUR MEÐ FRYSTIHÓLFI
Hæð 85 cm og breidd 48 cm Kr. 15.000,- Sími 848 3216...
SUMARHÚSALÓÐ Í ÖNDVERÐARNESI TIL SÖLU
Grjóthólsbraut 13, innst í botlanga, við golfvöllinn, hola 11. Rotþró, rafm. og ...
Sendiráð óskar eftir fullbúinni íbúð
Við erum með sendiráð sem vantar íbúð í 12 mánuði, frá 1. mars. Íbúðin þarf að v...
 
Fulltrúaráðsfundur
Fundir - mannfagnaðir
Vörður - fulltrúaráð sjálfstæðisf...
Eldri borgarar
Staður og stund
Aflagrandi 40 Opin vinnustofa kl. 9 og b...
Aðalfundur
Fundir - mannfagnaðir
Félag sjálfstæðismanna Smáíbúða-...
Aðalfundur
Fundir - mannfagnaðir
Félag sjálfstæðismanna, Langholti ...