Kínverjar reiðir Frökkum

Dalai Lama færir Bertrand Delanoe borgarstjóra í París hvítan klút.
Dalai Lama færir Bertrand Delanoe borgarstjóra í París hvítan klút. Reuters

Yfirvöld í Kína mótmæltu harðlega og fordæmdu þann heiður sem Dalai Lama, andlegs leiðtoga Tíbeta, var sýndur í París er hann var gerður að heiðursborgara í gær. Segja Kínverjar að þetta kunni að leiða til alvarlegra truflana á samskiptum þjóðanna.

„Hegðun borgarstjórnarinnar í París hefur valdið alvarlegum truflunum á samskiptum Kína og Frakklands," segir í tilkynningu sem send var með faxi á ritstjórn frönsku fréttastofunnar AFP frá utanríkisráðuneyti Kína.

Ekki er langt síðan Frakkar og Kínverjar jöfnuðu ágreining sinn vegna þess, að Nicolas Sarkozy, Frakklandsforseti, átti fund með Dalai Lama í desember. 

Sendiherra Kína á Íslandi gekk á fund ráðuneytisstjóra utanríkisráðuneytis Íslands í síðustu viku meðan Dalai Lama var staddur hér á landi. Einnig var sendiherra Íslands í Kína kallaður á fund í utanríkisráðuneytinu í Peking. Kvörtuðu Kínverjar yfir því að heimsókn Dalai Lama væri farin að fá á sig opinberan blæ í ljósi þess að ráðherrar og aðrir framámenn hefðu hitt hann að máli.

mbl.is

Bloggað um fréttina

Jólagleði www.kurr.is O Mons Royale mer
Jólagleði www.kurr.is ? Mons Royale merino ullarföt ? Peaty´s hjólasápur ? Knoll...
Antiksalan
Vöruúrval fyrir fagurkera Gjafavöru, jólaskeiðar, jólaóróar, jólaplattar, B&G po...
HARMONIKKUHURÐIR SPARA MIKIÐ PLÁSS
Margar viðartegundir og litir, smíðað eftir máli. Verð frá kr. 13.900,- Sími 61...
Nudd fyrir vellíðan og slökun
LÁTTU DEKRA VIÐ ÞIG MEÐ AFSLAPPANDI NUDDI. HEIT OLIA OG STEINAR. Allir með ...