Svínaflensa í Færeyjum

Svínaflensan eða H1N1 veiran er komin til Færeyja. Sýni voru fyrir helgi tekin úr öllum börnum og starfsfólki leikskóla í Hoyvík en faðir barns á leikskólanum hefur greinst með flensuna. Maðurinn var þá nýkominn úr ferðalagi frá útlöndum.

Ákveðið var að kalla foreldra allra barnanna á leikskólanum á Landssjúkrahúsið til sýnatöku. Færeyskir fjölmiðlar greina frá því að þeir sem voru boðaðir í sýnatöku hafi verið beðnir að koma ekki inn á Landssjúkrahúsið vegna smithættu en sýni voru tekin úr fólkinu úti á bílastæði sjúkrahússins. Niðurstaða úr sýnatökunni liggur ekki fyrir en ákveðið hefur verið að öll börnin og foreldrar þeirra fái fyrirbyggjandi meðferð.

Frétt portal.fo

Frétt Dimmalætting

• 1 blogg um fréttina

Bloggað um fréttina

• Benedikta E: Gott hjá Færeyingum - þeir standa skynsamlega að málum!