Erlent | mbl | 15.10.2009 | 22:09 | Uppfært 22:44

40% bandarískra kvenna fyrirvinnur

Könnunin er gerð á vegum tímaritsins Time. Meðal þeirra sem skartað hafa forsíðu tímaritsins eru hljómsveitin The Dixie Chicks, m.a. árið 2006. HO

Um 40% bandarískra kvenna eru aðal fyrirvinnur heimila sinna. Þetta kemur fram í nýrri könnun sem gerð var á vegum tímaritsins Time og náði til 3.400 einstaklinga. Könnunin var gerð dagana 31. ágúst til 15. september.

Þetta er nokkur breyting því fyrir 40 árum en þá voru aðeins þriðjungur kvenna í Bandaríkjunum á vinnumarkaði. Að sögn svarenda sjá þeir þessa þróun sem jákvæða. Þannig mældist ánægjan 80% meðal þeirra kvenna sem spurðar voru og 76% meðal karlmannanna.

Breytinganna á kynjahlutföllum gætir ekki aðeins á vinnumarkaði heldur einnig í menntakerfinu. Þannig voru karlmenn 60% allra háskólanema og konur 40% árið 1972 en í dag er þessu þveröfugt farið. Árið 1972 voru aðeins 10% lögfræði- og læknanema konur, en í dag eru þær næstum 50%.

Þrátt fyrir þessar breytingar telur meirihluti Bandaríkjamanna enn að betra sé að karlmaðurinn sé aðal fyrirvinna heimilisins og að konunni hæfi betur að sjá um bú og börn. Alla vega segja 57% bandarískra karlmanna þeirrar skoðunar og 51% kvenna.

Tæplega 70% kvenna sögðust sannfærðar um að þær yrðu litlar hornauga af hinu kyninu byggju þær yfir meiri völdum en karlmenn, meðan aðeins 49% karlmanna sögðust í reynd mundu gremjast slíkt.