Vill stofna norrænt ríki
Setja bókamerki
Sænskur sagnfræðingur leggur til að öll Norðurlöndin verði sameinuð í einu ríki, að Margrét Danadrottning verði þjóðhöfðingi nýja ríkisins og Kaupmannahöfn verði höfuðborg. Vísar sagnfræðingurinn til þess, að síðast hafi Norðurlöndin veri eitt ríki í Kalmarsambandinu í lok 14. aldar undir stjórn Margrétar 1.
Gunnar Wetterberg skrifar grein í sænska blaðið Dagens Nyheter í dag þar sem hann setur fram þessa tillögu. Segir hann að Norðurlöndin fimm, Ísland, Danmörk, Noregur, Finnland og Svíþjóð, yrðu stórveldi ef þau legðu saman krafta sína. Að auki myndi norræn ríkjasameining hafa góð áhrif á efnahag og menningu þjóðanna.
„Staða norrænnar menningar yrði mun sterkari innan ríkis með 25 milljónir íbúa. Markaðurinn fyrir norrænar bókmenntir, leiklist og tónlist yrði mun stærri en hann er nú," segir Wetterberg.
Hann segir að tungumálaerfiðleikar yrðu leystir með því að gera eitt norrænt tungumál, utan móðurmálsins, hluta af skyldunámi.
Wetterberg segir að þetta séu alls ekki óraunhæfar hugmyndir vegna þess að heldur hafi dregið úr sænska hrokanum á síðustu áratugum.
Kveðst tala af virðingu: „Ég er enginn dóni“
Hjón sluppu með skrekkinn
Stóraukið fé til samgöngusáttmála
„Tíminn er runninn út fyrir Kristján Loftsson“
Segir óábyrgt að skipta út öllu bankaráðinu
Hafa samþykkt kaup fyrir um 9,2 milljarða
Kvikan virðist nú skiptast til helminga