Svisslendingar sæta harðri gagnrýni

Trúarleiðtogar víðsvegar um heiminn hafa gagnrýnt niðurstöðu þjóðaratkvæðagreiðslu í Sviss í gær þar sem bann var lagt við byggingu fleiri bænaturna múslíma, mínaretta, í landinu. Meðal annars hefur páfagarður fordæmt niðurstöðuna og segir í tilkynningu frá páfagarði að þetta sé atlaga gegn trúfrelsi í heiminum. Í svipaðan streng hafa ýmsir stjórnmálamenn tekið.

Forsætisráðherra Frakklands, Bernard Kouchner, segir niðurstöðuna vera vitnisburð um umburðarleysi og endurskoða ætti niðurstöðuna. Carl Bildt, utanríkisráðherra Svíþjóðar, segir niðurstöðuna sýna fordóma og efast um að mál sem þessi eigi að bera undir þjóðaratkvæði.

Stjórnvöld í Sviss óttast hver áhrifin verða af banninu en talið er líklegt að útlendum ferðamönnum muni fækka umtalsvert. 

Svisslendingar samþykktu óvænt bannið í þjóðaratkvæðagreiðslu í gær og hlaut tillaga þess efnis um 57,5% atkvæða. Var það Svissneski þjóðarflokkurinn (SVP), stærsta stjórnmálafylking landsins, sem lagði hana fram en SVP er hægriflokkur.

• 1 blogg um fréttina

Bloggað um fréttina

• Muddur: Pólitísk réttsýni vesturlanda enn og aftur.