Vill loka fyrir Wikileaks

Julian Assange
Julian Assange Reuters

Liz Cheney, dóttir Dick Cheney, fyrrverandi varaforseta Bandaríkjanna, sagði í viðtali við Fox fréttastöðina í Bandaríkjunum í gærkvöldi að hún myndi vilja sjá Obama forseta biðja íslensk yfirvöld um að loka vefsíðunni Wikileaks.

Ef Íslendingar yrðu ekki við þeirri beiðni ættu Bandaríkjamenn sjálfir að grípa til aðgerða til að loka síðunni.

Liz Cheney er vinsæll álitsgjafi í bandarískum fjölmiðlum og var rætt við hana um afleiðingar þess að Wikileaks birti 92 þúsund leyniskjöl frá bandaríska hernum.

Hún fullyrti að Julian Assange, stofnandi Wikileaks, hefði greinilega viljað hafa áhrif á gang mála í Afganistan en misheppnast. Hendur hans væru þó „blóði drifnar“ vegna þess fólks sem hefði aðstoðað Bandaríkin og væri nafngreint í skjölunum á Wikileaks. Hann verði að lifa með þeirri staðreynd.

„Ég myndi vilja sjá Obama forseta krefjast þess af íslenskum stjórnvöldum að þessari vefsíðu verði lokað. Ég myndi vilja sjá hann grípa til aðgerða til að loka vefsíðunni sjálfur ef Íslendingar gerðu það ekki. Ég myndi líka vilja sjá Assange ákærðan og að sjálfsögðu bannað að heimsækja Bandaríkin aftur,“ sagði Cheney í viðtalinu.

Þá sagði hún augljóst að Julian Assange væri að hjálpa al Qaeda og vel gæti verið að hann bæri þannig ábyrgð á dauða bandarískra hermanna í Afganistan.
mbl.is

Bloggað um fréttina

Dekk til sölu
2 stk 195x55x15 lítið slitin snjó eða heilsársdekk til sölu ...
https://www.funiceland.is - Ferðavefur
FunIceland.is er ferða- og upplýsingavefur um náttúru Íslands. Skoðaðu vefinn m...
Viðeyjarbiblía 1841 til sölu
Til sölu Viðeyjarbiblía frá 1841, upplýsingar í síma 772-2990 eða á netfangið rz...
Herbegi í ágúst og september
Leita eftir herbegi til leigu á höfuðborgarsvæðinu frá 1. ágúst til 7. október n...
 
Úthlutun
Tilkynningar
Auglýsing vegna úthlutunar byggð...
Fulltrúaráðsfundur
Fundir - mannfagnaðir
Vörður - fulltrúaráð sjálfstæðisf...
Aflamark
Tilkynningar
??????? ??????????????? ? ??? ?? ????...
Framhald suðurland
Nauðungarsala
Uppboð Einnig birt á www.naudungarsolu...