Hátíðahöld múslíma samhliða 11. september

Hundruð manna söfnuðust saman í New York í gærkvöldi til að fagna hátíð múslima, Eid al-Fitr, sem markar endaloka Ramadan föstumánaðarins. Í ár hittir þannig á að Eid kemur upp samhliða 11. september, þegar Bandaríkjamenn minnast hryðjuverkaárása al-Qaed á tvíburaturnana. Sumir segja þetta óheppilega tímasetningu, en því verði ekki breytt.

Kertavaka í tilefni Eid var haldin nærri Ground Zero. Múslímaklerkurinn Talim Abdur-Rashid hélt ræðu þar sem hann minnti m.a. á að einnig múslímar hefðu látist í hryðjuverkárásunum, sem hefðu verið gerðar á Bandaríkjamenn af öllum trúarbrögðum. 

Ásamt múslímum var saman komið í New York í gærkvöldi fólk af öllum trúarbrögðum sem vildu sýna samstöðu í stuðningi við byggingu íslamskrar menningarmiðstöðvar, sem margir Bandaríkjamenn hafa sett sig upp á móti. Deilurnar varpa nokkrum skugga á minningarathöfn um fórnarlömb 11. september og hafa m.a. verið skipulögð mótmæli í kjölfar minningarathafnarinnar. 

• 2 blogg um fréttina

Bloggað um fréttina

• Anepo: Alltaf sama lygin
• Ólafur Ingi Hrólfsson: Óheppileg tímasetning?