Vændiskonur fagna sigri

Frá Ontario. Niagarafoss er þekktasta kennileiti ríkisins.
Frá Ontario. Niagarafoss er þekktasta kennileiti ríkisins.

Vændiskonur í Ontario í Kanada fögnuðu sigri í dómsmáli í gær en þá úrskurðaði dómari að bann við rekstri vændishúsa í ríkinu skyldi afnumið. Voru rök vændiskvennanna þau að bannið yki áhættu þeirra í starfi með því að þvinga starfssystur þeirra til að vinna við hættuleg skilyrði.

Haft er eftir einni vændiskonunni á vef breska útvarpsins, BBC, að úrskurðurinn frelsi vændiskonur undan þeirri ánauð sem bannið hafi verið.

Segir þar einnig að ríkisstjórnin í Kanada kunni að áfrýja dómnum af ótta við að önnur sambandsríki í Kanada kunni að fylgja í kjölfarið.

Athygli vekur að dómarinn, Susan Himel , er kona en í rökstuðningi hennar segir að bann við rekstri vændishúsa og útgerð vændis brjóti í bága við stjórnarskrárbundin rétt einstaklinga til frelsis, athafna og öryggis.

Dómsniðurstaðan er rökstudd í 131 bls. skýrslu sem er aðgengileg hér en á blaðsíðu 24 kemur fram að sönnunargögnum hafi verið aflað á tveggja og hálfs árs tímabili og grein gerð fyrir þeim á alls 25.000 síðum í 88 bindum. 

Öruggara á vændishúsum

Er ein meginniðurstaðan sú að vændiskonur hvaðanæva að úr Kanada telja öruggara að stunda vændi innandyra en að selja blíðu sína með götuvændi. Á hinn bóginn geti slæm stjórnun dregið úr öryggi vændis innandyra.

Vændiskonurnar bentu einnig á að með því að getað skipulagt þjónustu sína, viðskiptavini, stað og stund, geti þær aukið öryggi í starfi. Með líku lagi sé aðstoð bílstjóra sem fylgist með hvort þær skili sér frá viðskiptavini til þess fallin að auka öryggi þeirra.

Tekið er fram í skýrslunni að engin ein staðalmynd af vændiskonu dugi til að lýsa vændiskonum í Kanada, enda sé bakgrunnur þeirra sem leggja fyrir sig vændi afar ólíkur. Ástæður þess að konur leggi fyrir sig vændi séu jafn ólíkar og þær séu margar.

mbl.is

Bloggað um fréttina

inntökupróf
Inntökupróf í læknisfræði í Jessenius Faculty of Medicine í Martin Slóvakíu verð...
Bátavél og dýptamælir til sölu
Til sölu bátavél SABB Mitsubishi M4 69 hp með skiptiskrúfu og dýptarmælir JRV F...
Dekk til sölu
2 stk 195x55x15 lítið slitin snjó eða heilsársdekk til sölu ...
SUMARHÚSALÓÐ Í ÖNDVERÐARNESI TIL SÖLU
Grjóthólsbraut 13, innst í botlanga, við golfvöllinn, hola 11. Rotþró, rafm. og ...
 
Útboð rangárþing
Tilkynningar
ÚTBOÐ Uppbygging og rekstur ljósleiða...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Félagsslíf
Staður og stund
Aflagrandi 40 Opin vinnustofa kl. 9, jóg...
Aðalfundur
Fundir - mannfagnaðir
Félag sjálfstæðismanna, Langholti ...