Öllum bjargað upp

Síðasta námumanninum af 33 var bjargað upp úr San José-námunni í Síle rétt eftir klukkan eitt eftir miðnætti. Björgunaraðgerðir tóku allt í allt tæpan sólarhring, mun styttri tíma en reiknað var með. Allir menninir voru líkamlega heilsuhraustir þrátt fyrir hátt í 70 daga einangrun á um 700 metra dýpi.

Síðastur upp úr námunni var hífður, eins og lagt var upp með, vaktstjórinn Luis Urzua. Þegar björgunarhylkið náði að yfirborði var eitt þúsund blöðrum sleppt upp í loftið. Urzua ræddi vel og lengi við forseta Síle, Sebastian Pinera, og bað um að slíkt hörmunarslys myndi ekki endurtaka sig. Í kjölfarið sungu þeir þjóðsöng Síle saman, ásamt öllum viðstöddum.

Meðal þess sem Urzua sagði forseta sínum var, að erfiðasta andartakið hafi verið þegar mennirnir sáu grjótið sem lokaði þá inni. Pinera hrósaði Urzua fyrir að hafa haldið stöðu sinni og lokið langri vakt með prýði.

Í ræðu sinni eftir að björgunaraðgerðum var lokið sagði Pinera, að Síle væri betur metið að verðleikum sínum eftir vel heppnaða aðgerð. Hann sagði þjóðina aldrei muna gleyma þessum atburði. Þjóðin hafi tekið á verkefninu sameinuð og gert það vel.

Sebastian Pinera, forseti Síle, var fyrstur til að taka á móti verkstjóranum Luis Urzua, síðasta námumanninum sem bjargað var upp úr námunni. Reuters

Gríðarlegur fögnuður braust út þegar síðasti námumaðurinn kom upp á yfirborðið. Reuters

• 7 blogg um fréttina

Bloggað um fréttina

• Ómar Geirsson: Gleðin í Chile endurrómar alla leið til Íslands.
• Erna Hákonardóttir Pomrenke: Dagurinn sem heimurinn stóð kyrr.
• Sigurbjörg Eiríksdóttir: Frábær endir á raunum námumanna
• Guðmundur Paul: mannslíf hér og þar
• Ragnar Birkir Bjarkarson: þetta er flott - loksins eitthvað jákvætt
• Helga Kristjánsdóttir: Oft hef ég séð FAGN,
• Guðrún Emilía Guðnadóttir: Ljós í daginn