Chihuahua gengur í lögregluna

Japanska lögreglan í Nara-héraði ræður yfir sérstakri sveit sem send er á hamfarasvæði  og nú hefur hún fengið nýjan liðsmann, Chihuahua-tíkina Momo sem er sjö ára. Hún fékk á lokaprófinu það hlutverk að leita uppi á æfingu fólk sem lokast hafði undir braki og leysti það á fimm mínútum.

Með Momo munu starfa schäfer-hundur og annar af retriever-kyni.  Chihuahua er ein af minnstu hundtegundum í heimi.  ,,Við erum líklega eina liðið í heimi sem notar chihuahua sem lögregluhund," sagði talskona lögreglunnar í Nara. ,,En við höldum að hún muni fá nóg að gera af því að hún er svo agnarlítil."

• 1 blogg um fréttina

Bloggað um fréttina

• Skáholt: Verður örugglega frábær leynilögregluhundur.