Hætta umskurði kvenna

Sjö hundruð þorp í Kolda-héraði Senegals lýstu í dag yfir að hætt yrði að umskera stúlkur og neyða þær í hjónaband á unga aldri í kjölfar mótmæla gegn þeim venjum. Umskurður kvenna er mjög algengur í héraðinu og gangast nær allar stúlkur undir slíka aðgerð.

Um þrjú þúsund íbúar héraðsins mótmæltu í morgun umskurði kvenna áður en samþykkt var yfirlýsing að honum yrði hætt ásamt nauðungarhjónaböndum ungra stúlkna.

Stjórnvöld í landinu hafa með aðstoð óháðra samtaka unnið mikið starf til þess að reyna að koma í veg fyrir kynfærum kvenna sér misþyrmt á þennan hátt af menningarlegum eða trúarlegum ástæðum.

Um 4.500 bæir hafa þegar lýst yfir að því verði hætt en umskurður þrífst þó ennþá þrátt fyrir að hann hafi verið bannaður í landinu í áratug. Í Kolda er um 98% kvenna umskorinn og neyddar ungar í hjónaband.

• 1 blogg um fréttina

Bloggað um fréttina

• Tollinn: Gott mál