Sprengingar í Stokkhólmi

Tvær sprengingar urðu við Drottningargötu í miðborg Stokkhólms síðdegis í dag. Einn maður er látinn. Fjölmenni var að versla í miðborginni þegar sprengingarnar urðu. Skv. upplýsingum frá utanríkisráðuneytinu hafa engar fregnir borist um að Íslendingar hafi verið nálægt þar sem sprengingarnar urðu.

Að sögn lögreglu sprakk bifreið skammt frá Drottningargötu um kl. 16:50 að staðartíma (kl. 15:50 að íslenskum). En slökkvilið segir að gaskútar hafi verið inni í henni. Skömmu síðar varð önnur sprenging ofar í sömu götu. 

Að sögn slökkviliðs voru tveir fluttir á slysadeild með minniháttar áverka.

Ekki liggur fyrir hvað olli seinni sprengingunni en sprengjusérsveitarmenn eru vettvangi.

Fyrrum starfsmaður AP-fréttastofunnar var á staðnum þar sem seinni sprengingin varð. Hann segist hafa séð fólk á hlaupum. Sumir hafi verið grátandi og að mörgum hafi verið mjög brugðið. Þá hafi hann séð særðan mann liggjandi á götunni.

Hann segir að sprengingin hafi verið hávær og að hann hafi séð reyk stíga upp þar sem maðurinn lá.

Rafstöðvar DEK 30 KW 400/230 50 HZ Deutz 50 kw
DEK og Deutz rafstöðvar 30 kw og 50 kw ,útvegum allar stærðir. Vinnu rafstöðva...
Til leigu í Vesturbænum
Lítil falleg íbúð, hentar einstaklingi eða pari.Leigist aðeins reglusömum engin ...
Bækur til sölu
Ævintýri Stikkilsberja Finns eftir Mark Twain (á ensku) 1. útg. London, 1884. Ve...
Rafstöðvar-Varaafl
Útvegum allar stærðir af rafstöðum, frá Isuzu/stamford Cummins Volvo Yanmar ...