AGS: Ójöfnuður hægir á efnahagsbata

Aukinn ójöfnuður í einstökum ríkjum getur haft veruleg neikvæð áhrif á efnahagsbata í heiminum, að mati Dominique Strauss-Kahn, framkvæmdastjóra Alþjóðagjaldeyrissjóðsins.

Í opinberum fyrirlestri sínum í  Singapore í dag sagði Strauss-Kahn segir að slík innanríkisátök geti leitt til aukinnar tilhneigingar til verndartollastefnu, félagslegs- og pólitísks óstöðugleika og jafnvel leitt til stríðsátaka.

Hann sagði að vissulega væru batamerki í efnahag heimsins. En þau væru ekki öll jákvæð. Mikill munur væri á þróun mála í ríkjum, þar sem hagkerfi er þróað og þar sem það er styttra á veg komið.

„Á meðan vöxturinn er undir væntingum í þróuðum iðnríkjum, þá er hann miklu hraðari í þeim ríkjum þar sem hagkerfið er minna þróað. Sums staðar gerast hlutirnir of hratt,“ sagði Strauss-Kahn.

Hann sagði að sívaxandi atvinnuleysi og mikill tekjumunur væri ein aðalástaæða ólgunnar í Túnis og í öðrum löndum.

• 3 blogg um fréttina

Bloggað um fréttina

• Björgvin Ólafur Óskarsson: IMF ætti að taka...
• Sigurður Haraldsson: Sagan er að endurtaka sig!
• Ómar Geirsson: Já, þrælahald leiðir oft til uppreisnar.