Mubarak segir ekki af sér

Hosni Mubarak, forseti Egyptalands, flutti sjónvarpsávarp í kvöld.
Hosni Mubarak, forseti Egyptalands, flutti sjónvarpsávarp í kvöld.

Hosni Mubarak, forseti Egyptalands, tilkynnti í kvöld að hann ætlaði ekki að segja af sér forsetaembætti. Kosningar myndu fara fram í september. Mótmælendur gátu ekki leynt vonbrigðu sínum þegar ljóst var að forsetinn ætlaði ekki að segja af sér eins og þeir hafa krafist.

Mubarak sagði að verkefni sitt næstu mánaða yrði að tryggja eðlileg stjórnarskipti sem færu fram með forsetakosningum í september. Hann sagðist ekki ætla að verða við kröfum erlendra ríkja sem gæfu fyrirskipun um að hann færi frá völdum þegar í stað.

Mubarak tók fram að hann ætla að fela Omar Suleiman varaforseta aukin verkefni.

Mubarak sagði að komið yrði á fót nefnd til að rannsaka atburði síðustu daga og hvernig stjórnvöld hefðu brugðist við mótmælunum. Einnig yrði unnið að breytingum á stjórnarskrá.

Mubarak ávarpaði þjóðina í sjónvarpi, en fyrirfram hafði verið allt eins búist við að hann myndi segja af sér. Hossam Badrawi, yfirmaður í egypska hernum, sagði fyrr í dag að hann hefði hvatt Mubarak til að segja af sér.

Mikil reiði braust út meðal mótmælenda sem hlustuðu á ávarpið á Tahrir-torgi í Kaíró. Margir tóku fóru úr skónum og otuðu þeim að sjónvarpsskjánum og sýndu þannig fyrirlitningu sína á forsetanum.

 Hosni Mubarak er fæddur 1928 og gekk í egypska herinn árið 1949 þar sem hann starfaði þar til hann var skipaður varaforseti árið 1977. Hann varð síðan forseti Egyptalands í október 1981 þegar Anwar Sadat var myrtur.

mbl.is

Frá Sýrlandi til Evrópu - Greinaflokkur

Hákarl fyrir þorrablótin
Hákarl fyrir þorrablótin Sími 852 2629 Pétur Sími 898 3196 Ásgeir...
Cummins/Stamford Ljósavélar í skip og báta einnig landstöðvar.
Cummins /Stamford ljósavélar í skip og báta 100 -1000 kw Vélaverkst/sala Holt...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
 
Skrifstofuherbergi til leigu
Atvinnuhúsnæði
Skrifstofuherbergi til leigu Til leigu...
Styrkir 2018
Styrkir
Styrkir til verkefna í þágu barna á...
L edda 6018011619i
Félagsstarf
? EDDA 6018011619 I Mynd af auglýsin...
Byggðakvóti
Tilkynningar
Auglýsing vegna úthlutunar byggða...