Biður um miskunn

Forseti Portúgals bað Evrópusambandið (ESB) og Alþjóðagjaldeyrissjóðinn (AGS) að sýna landi sínu miskunn. ESB og AGS settu ströng skilyrði fyrir lánafyrirgreiðslu upp á 80 milljarða evra (13.016 milljarða ÍKR). Stutt er til kosninga í Portúgal.

Anibal Cavaco Silva forseti sagði að í ljósi væntanlegra kosninga 5. júní þurfi landið millibilsáætlun til þess að næsta ríkisstjórn geti komið að endanlegri samningagerð því hún þurfi að framkvæma aðgerðirnar.

Jose Socrates forsætisráðherra óskaði eftir aðstoðinni eftir að þingið hafnaði niðurskurðaráformum sem minnihlutastjórn hans lagði til. Það varð til þess að Socrates sagði af sér embætti.

• 3 blogg um fréttina

Bloggað um fréttina

• Magnús Ágústsson: Hvar er vadid
• Lísa Björk Ingólfsdóttir: Harðstjórar sem þekkja vald sitt - ESB og AGS
• Ragnar Borgþórs: Þetta er það sem bíður okkar.