„Stjórnin er byggð á fólkinu“

 „Ríkisstjórn Líbíu mun ekki falla, hún er byggð á þjóðinni en ekki á Gaddafi,“ sagði Muammar Gaddafi, forseti Líbíu, í ávarpi sem hann dreifði til stuðningsmanna sinna í dag.

Hann sagði að NATO ætti að hætta að ráðast á hersveitir hans. „NATO hefur rangt fyrir sér, ef það heldur að það geti velt ríkisstjórn þessa lands,“ sagði Gaddafi ennfremur í skilaboðunum sem voru hljóðrituð og dreift til stuðningsmanna hans.

Uppreisnarmenn herjuðu á hersveitir Gaddafis úr tveimur áttum í dag. Að sögn NATO hafa sveitir hans tvær borgir vestur af Tripoli á valdi sínu.

„Okkar eina von er að berjast á móti. Við erum á heimavelli og erum ekki hrædd við stríðsvélar ykkar,“ sagði Gaddafi við stuðningsmenn sína.

• 2 blogg um fréttina

Bloggað um fréttina

• Sóldís Fjóla Karlsdóttir: Á hann við Ísland.....?????
• Anna Sigríður Guðmundsdóttir: Ég styð Gaddafi og almenning í Líbíu innilega í baráttunni …