Segja pókervef hafa verið svikamyllu

Reuters

Saksóknarar í New York segja, að pókervefurinn Full Tilt Poker, sem lokað var í vor í tengslum við aðgerðir gegn netpóker, hafi í raun verið risastór fjársvikamylla sem teygði anga sína um allan heim.

Saksóknararnir fullyrða í nýjum gögnum, að stjórnendur vefjarins hafi dregið sér fé af reikningum spilara, sem spiluðu á vefnum. Á fjórum árum hafi fyrirtækið notað 444 milljónir dala, 52 milljarða króna, af fé spilara til að greiða stjórnarmönnum háar upphæðir. 

Vefurinn hafði heitið því, að reikningar spilara væru verndaðir og yrðu ekki snertir. En bandarísk stjórnvöld segja að í mars hafi fyrirtækið aðeins átt 60 milljónir dali eftir að 390 milljónum dala, sem spilarar áttu þar inni. 

Meðal þeirra, sem sagðir eru hafa hagnast á þessu svindli, eru heimsþekktir pókermeistarar á borð við Howard Lederer og Christopher Ferguson, sem jafnan er nefndur „Jesús" meðal pókerspilara vegna útlits síns. Í stefnu saksóknara er fullyrt að Lederer hafi fengið 25 milljónir dala og Ferguson 42 milljónir greiddar úr sjóðum Full Tilt Poker. 

mbl.is

Bloggað um fréttina

Alhliða múr- og viðhaldsþjónusta
Tökum að okkur viðhald fasteigna s.s. alhliða múrverk/viðgerðir, flísalagnir, fl...
LAND ROVER DISCOVERY 3 S, sjálfsk., disel, 7 manna
Til sölu LAND ROVER DISCOVERY 3 S, sjálfskiptur, dísel, 7 manna ekinn 204.000 km...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Gefins - áttu klink sem þú mátt missa?
Kattholt þiggur með þökkum smámynt (hvaðan sem er). Þetta fer til að fjármagna...