Skotárásin ófyrirgefanleg

Bandarískur hermaður í Afganistan í dag.
Bandarískur hermaður í Afganistan í dag. Reuters

Forseta Bandaríkjanna, Barack Obama, hefur verið greint ítarlega frá skotárásinni sem átti sér stað í Afganistan í dag. Bandarískur hermaður skaut á óbreytta borgara fyrir utan herstöð sína og féllu hið minnsta sextán í árásinni. Þar af níu börn og þrjár konur.

Hamid Karzai, forseti Afganistans, hefur lýst því yfir að atburðurinn sé ófyrirgefanlegur og að hermaðurinn hafi m.a. ruðst inn á heimili fólks og hafið skothríð.

„Við höfum miklar áhyggjur af fréttum sem berast af atvikinu og fylgjumst grannt með því,“ segir talsmaður Hvíta hússins í samtali við blaðamenn fyrir stundu.

Þá hefur NATO þegar beðist afsökunar á skotárásinni og sagt hermanninn hafa verið einan að verki. Skotárásin hafi á engan hátt tengst verkefnum alþjóðaliðsins í Afganistan.

Bandaríski hershöfðinginn John Allen, sem einnig er yfirmaður herliðs NATO í Afganistan, hefur heitið því sem hann kallar „snögga og ítarlega“ rannsókn á skotárásinni.

mbl.is

Frá Sýrlandi til Evrópu - Greinaflokkur

Vatnstúrbínur
Getum boðið allar gerðir af turbínusettum Hagstætt verð. Vélasala Holts Snæ...
Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...
Leikjavefurinn Snilld - www.snilld.is
www.snilld.is - Frábært úrval af leikjum á leikjavefnum Snilld. Skelltu þér in...
 
Framboðslisti
Fundir - mannfagnaðir
Framboðslisti Sjál...
Aukatekjur vikulega
Önnur störf
Aukatekjur Morgunblaðið vantar fólk ...
Fundur
Fundir - mannfagnaðir
Fulltrúaráð sjálfstæðisfélaganna...
Skattadagurinn
Fundir - mannfagnaðir
SKATTADAGUR FLE Ráðstefna um skattam...