Saka asersk stjórnvöld um skoðanakúgun
Setja bókamerki
Þöggun og skoðanakúgunum er beitt í Aserbaídsjan í aðdraganda Evróvisjónsöngvakeppninnar sem fram fer þar í landi í lok maí. Þetta segja alþjóðlegu mannréttindasamtökin Amnesty International og Human Rights Watch. Segja samtökin stjórnvöld bæla frelsi fjölmiðla í landinu og hafa biðlað til evrópska útvarpssambandsins, European Broadcasting Union (EBU), að taka á málinu.
Segja mannréttindasamtökin að blaðamenn í landinu verði ítrekað fyrir áreiti og ofbeldi.
Amnesty International segir að 18 samviskufangar séu í Aserbaídsjan, þar af séu 14 andófsmenn sem hafi verið fangelsaðir í kjölfar mótmæla, tveir blaðamenn og tveir baráttumenn fyrir mannréttindum.
Segja mannréttindasamtökin að EBU hafi brugðist í því að skerast í leikinn þegar frelsi fjölmiðla er í húfi.
Samtökin Fréttamenn án landamæra segja að fjölmiðlamönnum sé bannað að fjalla um forseta landsins og fjölskyldu hans án leyfis. „Hvað sem er getur komið fyrir þá sem brjóta þetta bann.“
90 milljóna ferð austur: „Hrokinn yfirgengilegur“
„Eins og ef Alþingishúsið brynni hér“
50% fjölgun kærumála og aukið álag
Børsen brennur á afmæli drottningar
Boðar 17 milljarða hagræðingu á næsta ári
„Sárt að horfa upp á þetta“
Niðurstaða MDE kallar á breytingar
Hafa náð tökum á eldinum