Laumaði sér inn í hryðjuverkahóp

Hér gefur að líta nærfatasprengjuna sem átti að granda farþegaflugvél ...
Hér gefur að líta nærfatasprengjuna sem átti að granda farþegaflugvél í Bandaríkjunum á jóladag árið 2009. Sú tilraun misheppnaðist. AFP

Bandarískir embættismenn segja að manni sem tókst að lauma sér inn í hóp hryðjuverkamanna hafi komið í veg fyrir tilraun al-Qaeda hryðjuverkasamtakanna á Arabíuskaga að granda bandarískri farþegaflugvél. Vélin átti að fljúga frá Jemen til Bandaríkjanna.

Fram kemur á vef breska útvarpsins að sjálfsvígssprengjumaðurinn hafi átt að komast um borð í vélina með svokallaða nærfatasprengju. Um er að ræða uppfærðan sprengjuútbúnað frá árinu 2009, en þá mistókst liðsmanni al-Qaeda að sprengja farþegaflugvél í loft upp á jóladag.

Bandaríska alríkislögreglan hefur nú sprengjuna í sínum fórum og rannsakar hana. Yfirvöld taka hins vegar fram að ekki hafi verið um raunverulega ógn að ræða.

Fram kemur á vef BBC að bandarískur öldungadeildarþingmaður hafi tengt málið við dauða Fahd al-Quso, leiðtoga al-Qaeda, sem var féll í loftárás í Jemen sl. sunnudag.

John Brennan, ráðgjafi Baracks Obama Bandaríkjaforseta í hryðjuverkavörnum, segir að unnið sé að því að koma í veg fyrir að svipaður útbúnaður geti komist óhindraður í gegnum öryggiseftirlit.

Hann segir að fjölmargar leyniþjónustustofnanir hafi komið að rannsókn málsins, en Brennan gaf ekki upp nánari upplýsingar um hvaða stofnanir hefðu tekið þátt.

Þá hefur ekki komið fram með hvaða stofnun maðurinn sem laumaði sér inn í hryðjuverkahópinn hafi starfað fyrir.

Á vef BBC kemur fram að tengsl séu sögð á milli sádiarabískra sprengjugerðarmannsins Ibrahim al-Asiri og sprengjunnar sem fannst. Asiri var nefndur sem einn af lykilmönnum á bak við tilraunina sem misheppnaðist árið 2009.

Heimildarmaður CNN innan leyniþjónustunnar segir að um hálfur mánuður sé síðan upp komst um ráðabruggið, en hann segir að ábending hafi borist frá Sádi-Arabíu. Margir telja því líklegt að sádi-arabískir leyniþjónustumenn hafi tekið þátt í aðgerðinni.

mbl.is
Teikning eftir Mugg til sölu
Teikning eftir Mugg til sölu, úr Sjöundi dagur í paradís, blýants og tússteiknin...
Byggingastjórn - Húsasmíðameistari
Tek að mér byggingastjórn og uppáskrift húsasmíðameistara. Nýbyggingar, viðhald...
Til sölu Færeyingur Haffrúin 6032
Gengur í Strandveiðina, Ný vél, vökvagír, skrúfa og mælaborð, nýtt rafkerfi,raf...
VÖNDUÐ OG VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
 
Fulltrúaráðsfundur
Fundir - mannfagnaðir
Vörður - fulltrúaráð sjálfstæðisf...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Hádegisfundur
Fundir - mannfagnaðir
ses.xd.is Samtök eldri sjálfstæði...
Eldri borgarar
Staður og stund
Aflagrandi 40 Opin vinnustofa kl. 9 og b...