Öll fimmtíu kjarnorkuver Japan hafa verið lokuð undanfarna daga en nú hefur bæjarráð í Oi samþykkt að kveikt verði aftur á kjarnaofni í veri þar í bæ. Óttast Japanir að skortur á rafmagni verði í sumar.

Verið er að endurskoða öryggismál í öllum kjarnorkuverum landsins og hefur þeim undanfarna mánuði verið lokað einu af öðru. Ekki er þó víst að kjarnorkuverið í Oi taki til starfa en bæjarstjórinn á eftir að bera samþykkt bæjarráðsins undir sérfræðinga og fylkisstjórann sem verður að samþykkja opnunina.

Eftir leka úr kjarnorkuveri í Fukushima í fyrra hefur þess verið krafist að öryggismál allra kjarnorkuvera landsins verði endurskoðuð.

Tengdar fréttir

Jarðskjálfti í Japan

Sýni úr úrgangsvatni frá Fukushima innan marka

• Vatn úr kjarnorkuveri á leið í sjóinn
• Setti lögbann á opnun kjarnorkuvers í Japan
• Sýknaðir vegna Fukushima-slyssins
• Minnast hamfaranna fyrir 7 árum

» Fleiri tengdar fréttir

• Blogga um frétt