Tollayfirvöld í Indónesíu lögðu nýverið hald á stærstu sendingu e-taflna í áratug. Um var að ræða u.þ.b. 1,4 milljónir taflna og er áætlað götuvirði tæpir 5,9 milljarðar króna.
Töflurnar fundust í gámi sem kom til landsins um borð í skipi frá Kína.
„Á mánudag fundust um 1,4 milljónir e-taflna faldar í 20 feta gámi. Þetta er stærsti fundur síðustu tíu ára,“ segir í yfirlýsingu.
Eftir að hafa fundið töflurnar eltu lögreglumenn flutningabílinn sem ók með gáminn frá höfninni í Jakarta að vörugeymslu. Þar voru átta manns handteknir í tengslum við innflutninginn.
Hörð viðurlög eru við eiturlyfjasmygli í Indónesíu og gætu mennirnir átt yfir höfði sér dauðadóm.