Fórnarlamba helfararinnar minnst í Varsjá

Einn brauðbiti var daglegur matarskammtur fólks í gyðingahverfinu í Varsjá ...
Einn brauðbiti var daglegur matarskammtur fólks í gyðingahverfinu í Varsjá á seinni hluta stríðsárunna. WOJTEK RADWANSKI

Þess er minnst í Póllandi í dag að 70 ár eru liðin síðan Þjóðverjar hófu að flytja gyðinga úr gyðingahverfinu í Varsjá til útrýmingarbúðanna í Treblinka. Er talið að um 260.000 manns hafi týnt lífi í aðgerðunum. 

Dagskráin hófst á athöfn nálægt embættisbústað forseta Póllands í Varsjá. Opnuð var sýning á teikningum eftir fólk sem bjó í gyðingahverfinu á stríðsárunum. Teikningarnar sýna t.d. þýska hermenn safna saman fólki, mann með látna eiginkonu sína á hjólbörum og 10 ára dreng umkringdan vörðum. Þá var einnig til sýnis brauðbiti sem vó 140 grömm, en það var daglegur matarskammtur í gyðingahverfinu.

Gyðingar í Póllandi fóru einna verst út úr seinni heimsstyrjöld, en fyrir stríð voru þeir um 3,2 milljónir. Þeim var nær öllum útrýmt í helför nasista gegn gyðingum í stríðinu, en pólskir gyðingar voru um helmingurinn af þeim sex milljónum gyðinga sem létu lífið í útrýmingarbúðum nasista. Eftir að Þjóðverjar höfðu hertekið landið í lok árs 1939 hófu þeir að einangra gyðinga í sérstökum hverfum borgarinnar. Í gyðingahverfinu í Varsjá voru um hálf milljón manna þegar mest var. Um einn fimmti af þeim lést úr hungri og vosbúð.

Hinn 22. júlí 1942 hófust nasistar síðan handa við að tæma gyðingahverfið. Stóðu aðgerðir þeirra í þrjá mánuði og var mikill meirihluti íbúa hverfisins sendur til Treblinka. Megnið af þeim 60.000 manns sem eftir voru, voru síðan fluttir burt ári síðar í kjölfar þriggja vikna uppreisnar í hverfinu.

mbl.is

Bloggað um fréttina

Frá Sýrlandi til Evrópu - Greinaflokkur

Flott föt, fyrir flottar konur
Vertu þú sjálf, vertu Bella Donna Fallegur og vandaður fatnaður, frá Hollandi, ...
Cummins/Stamford Ljósavélar í skip og báta einnig landstöðvar.
Cummins /Stamford ljósavélar í skip og báta 100 -1000 kw Vélaverkst/sala Holt...
SUMARFRÍ Í SÓL & HITA Í VENTURA FLORIDA
Glæsilegt HÚS til leigu v. 18 holu golfv, 3 svh. 2 bh.,1 wc, stór stofa, eldhús ...
Renault Megane 2007
Renault Megane 20007 - ekinn um 96.000 km, vel við haldið, skoðaður 2017, næsta ...
 
Eldri borgarar
Staður og stund
Aflagrandi 40 Opin vinnustofa kl. 9 og b...
Framboðslisti
Fundir - mannfagnaðir
Framboðslisti Sjál...
Ert þú skapandi
Sérfræðistörf
Ert þú SKAPANDI? Árvakur leitar eftir...
Lausafjáruppboð
Nauðungarsala
Lausafjáruppboð Einnig birt á www.naud...