Vilja að Assad víki

Vopnaðir uppreisnarmenn í Bab al-Salam landamærastöðina við Tyrkland.
Vopnaðir uppreisnarmenn í Bab al-Salam landamærastöðina við Tyrkland. AFP

Utanríkisráðherrar Arababandalagsins krefjast þess að Bashar al-Assad, forseti Sýrlands, víki. Þá eru uppreisnarmenn í landinu vongóðir um að sprengjuárásin í Damaskus síðustu viku muni greiða fyrir falli stjórnarinnar.

Uppreisnarmennirnir segja í samtali við breska ríkisútvarpið, að dauði fjögurra hátt settra manna í stjórn Assads sé þungt högg fyrir sýrlensku ríkisstjórnina.

Haft er eftir fréttaskýranda BBC að utanaðkomandi aðilar hafi útvegað íslömskum uppreisnarmönnum bæði fé og vopn.

Þá kemur fram að stjórnarhermenn hafi náð úthverfunum Barzeh og Mezzeh aftur á sitt vald. Haft er eftir aðgerðarsinnum að margir einstaklingar, bæði meintir uppreisnarmenn og stuðningsmenn þeirra, hafi verið teknir þar af lífi.

mbl.is

Bloggað um fréttina

Fleira áhugavert
Fleira áhugavert