Ræðu Breiviks á netinu mótmælt

Anders Behring Breivik við upphaf réttarhaldanna yfir honum fyrr í ...
Anders Behring Breivik við upphaf réttarhaldanna yfir honum fyrr í ár. AFP

Lögmenn fjölskyldna fórnarlamba Anders Behring Breiviks hafa mótmælt því að upptökur af lokaræðu hans við réttarhöldin, hinn 22. júní síðastliðinn, hafi verið sett á netið. Telja lögfræðingarnir birtinguna brjóta gegn fyrirskipun réttarins sem bannaði alla dreifingu á sjónvarps- og hljóðupptökum frá ræðunni sem alls tók Breivik um 45 mínútur í flutningi. Einungis var heimilt að vitna í ræðuna á prenti.

Upptökurnar voru birtar á vefsíðunni YouTube af netnotanda í Þýskalandi samkvæmt heimildum AFP-fréttastofunnar. Segist viðkomandi hafa fengið þær hjá kjörnum fulltrúa Framfaraflokksins norska, sem Breivik eitt sinn tilheyrði.

„Þetta sýnir annars vegar mikið virðingarleysi gagnvart ákvörðun dómsvaldsins. Hitt vandamálið er að á upptökunum er hættulegur einstaklingur beinlínis að hvetja til ofbeldis,“ sagði Metta Yvonne Larsen, einn lögmanna fjölskyldna fórnarlambanna 77. Hefur hún farið fram á að upptakan verði fjarlægð af vefnum hið snarasta auk þess sem rétturinn láti rannsaka hvort um saknæmt athæfi hafi verið að ræða þegar þau voru birt. Samkvæmt heimildum AFP hefur norski rétturinn þegar brugðist við og er að rannsaka málið.

Í ræðunni bar Breivik m.a. fyrir sig að árásirnar hefðu verið nauðsynlegar til að verja Noreg fyrir fjölmenningu og að hann hafi verið að verja eigin kynþátt.

Dóms er að vænta í máli Breiviks 24. ágúst næstkomandi.

mbl.is

Bloggað um fréttina

Infrarauðir Hitalampar fyrir allskyns verki 300w
Stórkostleg jákvæð áhrif á gikt, eykur virkni ýmissa ensíma sem bæta blóðrás og ...
Sultukrukkur, minibarflöskur...
Til sölu ..Ca 100 gler krukkur til sölu..Frekar litlar... Einnig ca 200 smáflös...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...