Romney styður Jerúsalem

Jerúsalemborg hefur lengi verið eitt stærsta þrætueplið í deilunum fyrir ...
Jerúsalemborg hefur lengi verið eitt stærsta þrætueplið í deilunum fyrir botni Miðjarðarhafs. mbl.is/Ómar Óskarsson

Forsetaframbjóðandinn og repúblíkaninn Mitt Romney vísaði á dögunum til Jerúsalem sem höfuðborgar Ísrael, en borgin hefur enn ekki verið viðurkennd sem slík af alþjóðasamfélaginu.

Romney hefur með þessu lýst yfir stuðningi við yfirvöld hins ísraelska fylkis sem lengi hafa barist fyrir opinberri viðurkenningu á því að Jerúsalem sé höfuðborg landsins. Jerúsalem er tæknilega skilgreind sem höfuðborg en til þess hefur ekki verið tekið tillit í samskiptum þjóða á milli. 

„Það er einstök upplifun að vera í Jerúsalem, höfuðborg Ísrael,“ sagði Romney í ræðu sem hann hélt í Jerúsalem í opinberri heimsókn til Ísrael á dögunum. Í ræðunni fór Romney yfir afstöðu sína gagnvart þeim ákvæðum utanríkisstefnu Bandaríkjanna sem snýr að Ísrael. 

Staða Jerúsalem er eitt af umdeildustu atriðunum í langvarandi deilum fyrir botni Miðjarðarhafs. Ísraelsmenn halda því að Jerúsalem sé, að meðtöldum stórum austlægum Arabahluta borgarinnar, „eilíf og óskipt höfuðborg Ísraelsríkis.“

Palestínumenn vilja hins vegar að austurhluti borgarinnar sé einn skilgreindur sem höfuðborgin og mótmæla harðlega tilraunum Ísraelsmanna til að þenja sjálfstjórnarsvæði sitt þangað.  

Núverandi Bandaríkjaforseti, Barack Obama, hefur í fortíðinni tjáð sig um málefni Jerúsalem. Þremur mánuðum fyrir síðustu forsetakosningar, í ágúst 2008, kom fram í ræðu sem þáverandi frambjóðandinn flutti í ísraelska bænum Sderot að „Jerúsalem yrði höfuðborg Ísrael. Ég hef sagt það áður og mun segja það aftur.“

mbl.is
ÞÝSKAR KERRUR _ FJÖLNOTA OG MEÐ STURTUM
L: 251,305,405,502,611 x B: 153,178,183,203,223 cm, burður 1350 til 3500 kg. Stu...
Leiga, herb. hús, við Gullna hringinn..
Studio herb. með sérbaði og eldunaraðstöðu, hlýleg og kósí, 5 mínútur frá Gey...
Til sölu eldhúsborð
Til sölu massíft hvíbæsað furueldhúsborð. Einnig hentugt í sumarbústaði. Lengd...
Innheimmta
Jessenius Faculty of Medicine í Martin Slóvakíu Inntökupróf verður haldið 9. ágú...