Anders Behring Breivik var ekki í geðrofi er hann framkvæmdi voðaverkin í Ósló og Útey. Til þess skipulagði hann þau of vel. Hann er hins vegar með persónuleikatruflun, segir í niðurstöðu dómaranna í máli hans.

Dómurinn komst að því að Breivik væri sakhæfur þar sem hann skipulagði morðin af yfirvegun og út frá öfgafullri heimssýn sinni en ekki sturluðum ranghugmyndum.

Forseti dómsins, Wenche Arntzen, sagði dóminn þó líta svo á að Breivik væri andfélagslegur og fullur sjúklegrar sjálfsaðdáunar.

Saksóknari ætlar ekki að áfrýja málinu. Verjandi Breiviks hefur sagt að hann vilji heldur ekki áfrýja niðurstöðunni.

Tengdar fréttir

Fjöldamorðið í Útey/Anders Behring Breivik

Breivik tapaði máli gegn ríkinu

• „Enn hættulegasti maður Noregs“
• Notar geðlyf til að komast í gegnum daginn
• Breivik reynir aftur að losna úr einangrun
• Beiðni Breiviks um reynslulausn hafnað

» Fleiri tengdar fréttir

• Blogga um frétt