Evrópusambandið og Bandaríkin munu hefja formlegar viðræður um gerð fríverslunarsamnings sem yrði þá stærsti viðskiptasamningu sögunnar.

Jose Manuel Barroso, forseti framkvæmdastjórnar ESB, tilkynnti þetta í dag í kjölfar stefnuræðu Baracks Obama Bandaríkjaforseta, sem hann flutti í nótt að íslenskum tíma.

Náist samkomulag þá verða viðskiptahindranir á milli tveggja stærstu hagkerfa heims felldar niður, að því er segir á vef breska ríkisútvarpsins.

Samkomlagið er metið á á um 455 milljarða evra á ári, sem jafngildir um 78 þúsund milljörðum kr.

„Framtíðarsamkomulag á milli tveggja mikilvægust efnahagsvelda heims mun marka tímamót, en það myndi styrkja hagkerfin beggja vegna Atlantshafsins,“ sagði Barroso í Brussel í dag.

ESB áætlar að samkomlagið myndi auka landsframleiðslu um 0,5% á ársgrundvelli.

Tengdar fréttir

Fríverslun á milli Bandaríkjanna og ESB

Fríverslunarviðræður ESB og BNA á ný?

• Hefur ekki stuðning Frakka
• Vill meta stöðuna að loknum viðræðum
• Fríverslunarviðræðum verði slitið
• Fullyrt að viðræðurnar séu í fullum gangi

» Fleiri tengdar fréttir

• 1 blogg um fréttina

Bloggað um fréttina

• G. Tómas Gunnarsson: Fagnaðarefni fyrir alla sem aðhyllast fríverslun