Hamborgarasala dregst saman um 43%
Frosin matvæli í verslun í London.
AFP
Setja bókamerki
Sala á frosnum hamborgurum í Bretlandi hefur dregist saman um 43% í kjölfar hins umfangsmikla hrossakjötshneykslis í Evrópu.
Birtar hafa verið fyrstu sölutölur um frosin matvæli frá því að málið komst upp. Á fjórum vikum dróst sala á frosnum hamborgurum saman um 43% í Bretlandi. Þá dróst sala á tilbúnum frosnum réttum saman um 13%.
Tvennt kemur til. Neytendur kaupa minna af frosinni matvöru eftir að málið kom upp og þá hafa framleiðendur tekið töluvert magn af vörum úr hillum verslana vegna gruns um að í þeim sé hrossakjöt, án þess að það komi fram í innihaldslýsingu.
Bretar eru mjög meðvitaðir um hrossakjötshneykslið. 96% fullorðinna Breta þekkja málið og 74% þeirra hafa áhyggjur af því, segir í frétt Sky.
„Það þarf að vinna mikinn fjölda upp“
„Hvílir mikil leynd yfir þessu öllu“
Kostnaður meiri en milljón á fermetra
Banna mengandi búnað sem leyfður er á Íslandi
„Umsátursástand“
Eyjafjarðarbraut lokað vegna alvarlegs umferðarslyss
Væri að ljúga ef ég segðist ekki stressaður