Matvælaeftirlitið í Suður-Afríku hefur nú hafið rannsókn á því hvernig kjöt af öpum, vatnabuffalóum og geitum slæddist inn í matvöru sem var merkt sem kjöt af öðrum dýrum.

Eftir hrossakjötshneykslið í Evrópu, sem engan endi virðist ætla að taka, ákváðu yfirvöld í Suður-Afríku að láta vísindamenn við Stellenbosch háskóla kanna innihald algengra tilbúinna matvæla, sem seld eru í stórverslunum og þetta var niðurstaðan.

Að auki leiddi rannsóknin í ljós að meira en einn þriðji þeirra matvæla sem rannsakaður var, innihélt „óskilgreind innihaldefni“ og að 68% matvælanna innihéldu eitthvað allt annað kjöt en upp var gefið á umbúðum og var algengast að svínakjöt og kjúklingur kæmi í stað þess. Að auki fundust ýmsar jurtaafurðir í því sem sagt var vera hreint kjöt.

Talsmaður matvælaeftirlitsins segir í samtali við AFP-fréttastofuna að sá aðili, sem fyrst verði rannsakaður, verði verslanirnar sjálfar, en allir sem komi að framleiðslunni með einum eða öðrum hætti liggi undir grun. 

Tengdar fréttir

Hrossakjötshneyksli

Neitar að hafa vitað að nautið var hross

• 65 handteknir vegna hrossakjötshneykslis
• Hrossakjötssmyglarar ákærðir
• Upprættu umfangsmikið smygl á hrossakjöti
• Bökurnar rannsakaðar upp til agna

» Fleiri tengdar fréttir

• Blogga um frétt