Hundruð fanga sluppu úr fangelsi

Talið er að mörg hundruð fanga hafi sloppið úr fangelsunum Abu Ghraib og Taji nærri Bagdad í Írak í gærkvöldi. Þetta kemur fram á fréttavef BBC. Meðal fanganna eru meðlimir hryðjuverkasamtakanna al-Qaeda sem biðu dauðarefsingar. Sprengjuvörpur voru notaðar við innrásina í fangelsið. Nokkrir tugir manna féllu í árásinni, þar á meðal 20 öryggisverðir og 41 fangi. Árásin er sögð vera verk hryðjuverkamanna. 

Árásirnar stóðu yfir í nokkrar klukkustundir. Ekki var aðeins skotið á fangelsin með sprengjuvörpum, heldur voru meðal annars níu sjálfsmorðsprengjur sprengdar við Taij fangelsið. Ekki er vitað um mannfall í liði árásarmannanna.

• Blogga um frétt